ਡੇਰਾ ਰਾਧਾ ਸੁਆਮੀ ਬਿਆਸ ਬਾਰੇ ਵੱਡੀ ਖ਼ਬਰ, ਸੰਗਤ ਲਈ ਮਹੱਤਵਪੂਰਨ ਫ਼ੈਸਲੇ
ਬਿਆਸ: ਡੇਰਾ ਰਾਧਾ ਸੁਆਮੀ ਬਿਆਸ ਦੇ ਸ਼ਰਧਾਲੂਆਂ ਲਈ ਇਕ ਖ਼ਾਸ ਅਪਡੇਟ ਹੈ। ਐੱਨ.ਆਰ.ਆਈ. ਸੰਗਤ, ਜੋ ਨਾਮਦਾਨ ਦੀ ਇੱਛਾ ਰੱਖਦੀ ਹੈ, ਉਨ੍ਹਾਂ ਲਈ ਰਜਿਸਟ੍ਰੇਸ਼ਨ ਪ੍ਰਕਿਰਿਆ 7 ਫਰਵਰੀ (ਸ਼ੁੱਕਰਵਾਰ) ਨੂੰ ਡੇਰਾ ਬਿਆਸ ਵਿਖੇ ਕਰਵਾਈ ਜਾਵੇਗੀ। ਸਾਰੀ ਸੰਗਤ ਨੂੰ ਅਪੀਲ ਕੀਤੀ ਗਈ ਹੈ ਕਿ ਸਮੇਂ ‘ਤੇ ਪਹੁੰਚ ਕੇ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਅਤੇ ਸਤਿਸੰਗ ਦਾ ਹਿੱਸਾ ਬਣਣ।
ਇਸ ਦੇ ਨਾਲ ਹੀ, ਫਰਵਰੀ ਮਹੀਨੇ ਦੇ ਭੰਡਾਰਿਆਂ ਦਾ ਸ਼ਡਿਊਲ ਵੀ ਜਾਰੀ ਕੀਤਾ ਗਿਆ ਹੈ। ਪਹਿਲਾ ਭੰਡਾਰਾ 9 ਫਰਵਰੀ (ਐਤਵਾਰ) ਸਵੇਰੇ 10:00 ਵਜੇ ਹੋਵੇਗਾ, ਦੂਜਾ 16 ਫਰਵਰੀ (ਐਤਵਾਰ) ਅਤੇ ਤੀਜਾ 23 ਫਰਵਰੀ (ਐਤਵਾਰ) ਨੂੰ ਸਮੇਂ 10:00 ਵਜੇ ਕਰਵਾਇਆ ਜਾਵੇਗਾ।
ਡੇਰਾ ਬਿਆਸ ਵਿੱਚ ਵੀ.ਆਈ.ਪੀ ਪ੍ਰਥਾ ਖਤਮ
ਇਸ ਤੋਂ ਪਹਿਲਾਂ, ਡੇਰਾ ਰਾਧਾ ਸੁਆਮੀ ਬਿਆਸ ਵੱਲੋਂ ਇੱਕ ਮਹੱਤਵਪੂਰਨ ਫ਼ੈਸਲਾ ਲਿਆ ਗਿਆ, ਜਿਸ ਤਹਿਤ ਵੀ.ਆਈ.ਪੀ ਪ੍ਰਥਾ ਨੂੰ ਪੂਰੀ ਤਰ੍ਹਾਂ ਖਤਮ ਕਰ ਦਿੱਤਾ ਗਿਆ ਹੈ। ਇਸ ਕਦਮ ਦਾ ਉਦੇਸ਼ ਸਾਰੇ ਸ਼ਰਧਾਲੂਆਂ ਨੂੰ ਸਮਾਨ ਮਹੱਤਵ ਦੇਣਾ ਅਤੇ ਅਧਿਆਤਮਿਕ ਏਕਤਾ ਨੂੰ ਹੋਰ ਮਜ਼ਬੂਤ ਬਣਾਉਣਾ ਹੈ।
ਹੁਣ ਸਤਿਸੰਗ ਦੌਰਾਨ ਕਿਸੇ ਵੀ ਵਿਅਕਤੀ ਲਈ ਵਿਸ਼ੇਸ਼ ਬੈਠਣ ਦੀ ਵਿਵਸਥਾ ਨਹੀਂ ਹੋਵੇਗੀ। ਸਭ ਸੰਗਤ ਇਕੱਠੇ ਬੈਠਣਗੇ, ਜਿਸ ਨਾਲ ਏਕਤਾ ਅਤੇ ਬਰਾਬਰੀ ਦੀ ਭਾਵਨਾ ਹੋਰ ਵਧੇਗੀ। ਸੰਗਤ ਨੇ ਵੀ ਇਸ ਫ਼ੈਸਲੇ ਦੀ ਖੁੱਲ੍ਹੇ ਦਿਲ ਨਾਲ ਤਾਰੀਫ਼ ਕੀਤੀ ਹੈ।
