*ਗੁਰਦਾਸਪੁਰ* – *17 ਮਾਰਚ* ਨੂੰ ਪੰਜਾਬ ਵਿੱਚ *ਸ਼ਰਾਬ ਦੇ ਠੇਕਿਆਂ ਦੀ ਅਲਾਟਮੈਂਟ* ਹੋਣ ਤੋਂ ਬਾਅਦ *ਸ਼ਰਾਬ ਦੇ ਭਾਅ ਚ ਲਗਾਤਾਰ ਉਤਾਰ-ਚੜ੍ਹਾਅ* ਦੇਖਣ ਨੂੰ ਮਿਲ ਰਿਹਾ ਹੈ। ਖਾਸ ਕਰਕੇ ਉਹਨਾਂ ਠੇਕੇਦਾਰਾਂ ਵੱਲੋਂ, ਜਿਨ੍ਹਾਂ ਨੂੰ ਪਹਿਲਾਂ ਵਾਲਾ ਸਰਕਲ ਮੁੜ ਨਹੀਂ ਮਿਲਿਆ, *ਸ਼ਰਾਬ ਦੀਆਂ ਕੀਮਤਾਂ ਘੱਟ ਕਰ ਦਿੱਤੀਆਂ ਗਈਆਂ ਹਨ*।
ਇਸ ਤਹਿਤ *ਗੁਰਦਾਸਪੁਰ ਜ਼ਿਲ੍ਹੇ ਦੇ ਬਟਾਲਾ ਅਤੇ ਧਾਰੀਵਾਲ ‘ਚ ਸ਼ਰਾਬ ਸਸਤੇ ਰੇਟਾਂ ਤੇ ਵਿਕ ਰਹੀ ਹੈ, ਜਦਕਿ **ਅੰਮ੍ਰਿਤਸਰ ਦੇ ਇਕ ਸਰਕਲ ‘ਚ ਵੀ ਰੇਟ ਕਟੇ ਹਨ*।
### *ਪੁਰਾਣੇ ਠੇਕੇਦਾਰ ਕਰ ਰਹੇ ਘੱਟ ਕੀਮਤ ‘ਤੇ ਵਿਕਰੀ*
ਪੁਰਾਣੇ ਠੇਕੇਦਾਰ *31 ਮਾਰਚ ਤੱਕ ਹੀ ਆਪਣੇ ਸਰਕਲ ‘ਚ ਕੰਮ ਕਰ ਸਕਣਗੇ, ਜਿਸ ਤੋਂ ਬਾਅਦ **1 ਅਪ੍ਰੈਲ ਤੋਂ ਨਵੇਂ ਠੇਕੇਦਾਰ* ਨਵੀਆਂ ਅਲਾਟ ਹੋਈਆਂ ਜਗ੍ਹਾਂ ਤੇ ਸ਼ਰਾਬ ਵੇਚਣਗੇ।
ਜਿਨ੍ਹਾਂ ਠੇਕੇਦਾਰਾਂ ਨੂੰ ਨਵਾਂ ਕੰਮ ਨਹੀਂ ਮਿਲਿਆ, ਉਹ *ਅਪਣਾ ਬਚਿਆ ਹੋਇਆ ਸਟਾਕ ਘੱਟ ਕੀਮਤ ‘ਤੇ ਵੇਚ ਰਹੇ ਹਨ*, ਜਿਸ ਕਰਕੇ ਲੋਕਾਂ ‘ਚ ਸ਼ਰਾਬ ਖਰੀਦਣ ਦੀ ਹੌੜ ਲੱਗੀ ਹੋਈ ਹੈ।
ਕਈ ਥਾਈਂ ਤਾਂ *ਮਹਿੰਗੀ ਸਕੌਚ ਵੀ ਸਸਤੇ ਭਾਅ ‘ਤੇ ਉਪਲਬਧ* ਹੋ ਰਹੀ ਹੈ।
### *ਗਰਮੀ ਦੇ ਨਾਲ ਵਧੇਗੀ ਬੀਅਰ ਦੀ ਮੰਗ*
ਗਰਮੀ ਵਧਣ ਕਾਰਨ ਆਉਣ ਵਾਲੇ ਦਿਨਾਂ ਵਿੱਚ *ਬੀਅਰ ਦੀ ਮੰਗ ‘ਚ ਭਾਰੀ ਵਾਧਾ ਹੋਣ ਦੀ ਸੰਭਾਵਨਾ ਹੈ, ਜਿਸ ਕਰਕੇ ਲੋਕ **ਸਟਾਕ ਇਕੱਠਾ ਕਰਨ* ਦੀ ਕੋਸ਼ਿਸ਼ ਕਰ ਰਹੇ ਹਨ।
### *ਵਿਭਾਗ ਵੱਲੋਂ ਚੇਤਾਵਨੀ*
*ਅੰਮ੍ਰਿਤਸਰ ਰੇਂਜ ਦੇ ਸਹਾਇਕ ਕਮਿਸ਼ਨਰ ਸੁਖਵਿੰਦਰ ਸਿੰਘ* ਨੇ ਚਿਤਾਵਨੀ ਦਿੱਤੀ ਹੈ ਕਿ *ਬਿਨਾ ਪਰਮਿਟ ਦੇ ਸ਼ਰਾਬ ਦੀ ਸਟੋਰੇਜ ਜਾਂ ਟਰਾਂਸਪੋਰਟੇਸ਼ਨ ਕਰਨਾ ਕਾਨੂੰਨੀ ਉਲੰਘਣਾ ਹੋਵੇਗੀ*।
ਵੱਖ-ਵੱਖ ਥਾਵਾਂ ‘ਤੇ *ਚੈੱਕਿੰਗ ਜਾਰੀ ਹੈ* ਅਤੇ ਜੇਕਰ *ਕਿਸੇ ਕੋਲੋਂ ਨਾਜਾਇਜ਼ ਜਾਂ ਨਿਰਧਾਰਿਤ ਮਾਤਰਾ ਤੋਂ ਵੱਧ ਸ਼ਰਾਬ ਮਿਲੀ, ਤਾਂ **ਐਫ.ਆਈ.ਆਰ ਦਰਜ ਕਰਕੇ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ*।
