ਪੰਜਾਬ ‘ਚ ਮੌਸਮ ਦਿਖਾਵੇਗਾ ਰੰਗ – ਅੱਜ ਤੋਂ ਮੀਂਹ ਨਾਲ ਮਿਲੇਗੀ ਗਰਮੀ ਤੋਂ ਰਾਹਤ!
ਚੰਡੀਗੜ੍ਹ – ਅਪ੍ਰੈਲ ਦੀ ਸ਼ੁਰੂਆਤ ਹੀ ਪੰਜਾਬ ਵਿਚ ਤਾਪਮਾਨ ਦੇ ਵਾਧੇ ਨਾਲ ਹੋਈ ਹੈ। ਕਈ ਇਲਾਕਿਆਂ ਵਿੱਚ ਤਾਪਮਾਨ 40 ਡਿਗਰੀ ਤੋਂ ਵੱਧ ਚੱਲ ਰਿਹਾ ਹੈ, ਜਦਕਿ ਘੱਟੋ-ਘੱਟ ਤਾਪਮਾਨ ਵੀ 20 ਡਿਗਰੀ ਤੋਂ ਉੱਪਰ ਹੈ। ਇਸ ਗਰਮੀ ਕਾਰਨ ਸਵੇਰ ਜਾਂ ਸ਼ਾਮ ਦਾ ਵੀ ਕੋਈ ਅਰਾਮ ਨਹੀਂ ਰਹਿ ਗਿਆ। ਬਠਿੰਡਾ 42.8 ਡਿਗਰੀ ਦੇ ਨਾਲ ਸੂਬੇ ਦਾ ਸਭ ਤੋਂ ਗਰਮ ਜ਼ਿਲ੍ਹਾ ਬਣ ਗਿਆ ਹੈ।
🌦️ ਅੱਜ ਤੋਂ ਮੌਸਮ ਵਿੱਚ ਆਵੇਗੀ ਤਬਦੀਲੀ:
ਭਾਰਤੀ ਮੌਸਮ ਵਿਭਾਗ ਦੇ ਅਨੁਸਾਰ, ਪੱਛਮੀ ਵਾਯੂ ਪ੍ਰਭਾਵ ਸਰਗਰਮ ਹੋਣ ਕਰਕੇ ਪੰਜਾਬ ਵਿੱਚ ਮੌਸਮ ਦਾ ਮਿਜਾਜ਼ ਬਦਲਣ ਵਾਲਾ ਹੈ।
ਕਈ ਜ਼ਿਲ੍ਹਿਆਂ ਵਿੱਚ ਹਨੇਰੀ ਤੇ ਬਾਰਿਸ਼ ਦੀ ਸੰਭਾਵਨਾ ਜਤਾਈ ਗਈ ਹੈ।
ਹਿਮਾਚਲ ਪ੍ਰਦੇਸ਼ ਵਿਚ ਹੋ ਰਹੀ ਬਰਫ਼ਬਾਰੀ ਦਾ ਅਸਰ ਪੰਜਾਬ ‘ਤੇ ਵੀ ਪਵੇਗਾ।
ਅਗਲੇ 3-4 ਦਿਨ ਲੂ ਦੀ ਸੰਭਾਵਨਾ ਘੱਟ ਹੋਵੇਗੀ।
🌡️ ਤਾਪਮਾਨ ਵਿੱਚ ਆਵੇਗੀ ਗਿਰਾਵਟ:
ਬਾਰਿਸ਼ ਕਾਰਨ ਤਾਪਮਾਨ 2 ਤੋਂ 4 ਡਿਗਰੀ ਤਕ ਘਟ ਸਕਦਾ ਹੈ।
11 ਅਪ੍ਰੈਲ ਨੂੰ ਮਾਨਸਾ ਤੇ ਬਠਿੰਡਾ ਤੋਂ ਇਲਾਵਾ ਹੋਰ ਇਲਾਕਿਆਂ ਵਿੱਚ ਮੀਂਹ ਅਤੇ ਹਵਾ ਚੱਲਣ ਦੀ ਉਮੀਦ ਹੈ।
☀️ ਫਿਰ ਵਧੇਗੀ ਗਰਮੀ:
15 ਅਪ੍ਰੈਲ ਤੋਂ ਬਾਅਦ ਇਕ ਵਾਰ ਫਿਰ ਤਾਪਮਾਨ ਵਿੱਚ ਵਾਧਾ ਹੋਵੇਗਾ।
ਸੂਬੇ ਵਿਚ ਮੁੜ ਤੋਂ ਲੂ ਚੱਲਣ ਦੀ ਸੰਭਾਵਨਾ ਹੈ।
